Futbol bo‘yicha Yevropa Ligasi yarim final javob o‘yinlari 5-may, payshanba kuni bo‘lib o‘tdi.
“Ayntraxt” “Vest Hem” ustidan 1:0 hisobida (dastlabki bahsda 2:1 hisobi qayd etilgan) g‘alaba qozonib, final yo‘llanmasini qo‘lga kiritdi.
Nemis klubi 1980-yildan buyon ilk bor Yevrokubok finaliga yo‘l oldi. Umumiy hisobda “Ayntraxt” uchun bu uchinchi final hisoblanadi. 1959/60-yilgi mavsumda Yevropa Chempionlar Kubogida “Real”ga 3:7 hisobida mag‘lub bo‘lgan. 1979/80-yilgi mavsumda esa UEFA Kubogi finalida “Borussiya M” ustidan (2:3, 1:0) mehmondagi gol evaziga g‘alaba qozongan.
Ikkinchi finalchi “Reynjers” esa 1/2 finalda “Leypsig”ni 3:1 hisobida taslim etdi. Shotlandiya jamoasi 2008-yildan keyin birinchi marta finalga yo‘l oldi.
“Reynjers” 2008-yilda UEFA Kubogi finalida “Zenit”ga mag‘lub bo‘lgan edi. Shundan buyon shotlandlar Yevrokuboklar hal qiluvchi bahslariga chiqa olmayotgandi. Glazgoliklar o‘z tarixida 5-marta Yevrokuboklar finali yo‘llanmasini qo‘lga kiritdi.
Yevropa Ligasi finali 18-may sanasiga belgilangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)