“O‘zbekiston bo‘ylab sayohat qil!” dasturi doirasida ichki turizmni rivojlantirish uchun mas’ul tashkilotlar belgilandi. Bu haqda Turizm va madaniy meros vazirligi xabar qildi.
Qayd etilishicha, quyidagilarga turizm yo‘nalishlari bo‘yicha mas’ul tashkilot vakolatlari berilgan:
- Yoshlar ishlari agentligi, Oliy va o‘rta maxsus ta’lim vazirligi, Xalq ta’limi vazirligi — yoshlar, ayniqsa, ta’lim muassasalari o‘quvchi-talabalari uchun turizmning tarixiy bilim beruvchi, madaniy-ko‘ngilochar, ekstremal, ekologik, etno va plyaj turizmi turlari bo‘yicha;
- O‘zbekiston kasaba uyushmalari federatsiyasi hamda Mahalla va nuroniylarni qo‘llab-quvvatlash vazirligi — mehnat, mahallalar jamoalari uchun turizmning ishbilarmonlik, ekstremal, ekologik, agro, etno, gastronomik turlari bo‘yicha;
- Oila va xotin-qizlar davlat qo‘mitasi, Tibbiy-ijtimoiy xizmatlarni rivojlantirish agentligi — xotin-qizlar uchun turizmning ziyorat, ma’rifiy, ijtimoiy, madaniy-ko‘ngilochar, ekologik, etnoturizm turlari bo‘yicha;
- Mahalla va nuroniylarni qo‘llab-quvvatlash vazirligi va “Nuroniy” jamg‘armasi — faxriylar, nuroniylar va pensionerlar uchun ziyorat, tibbiyot, sog‘lomlashtirish turizmi.
Qaror bilan “O‘zbekiston bo‘ylab sayohat qil!” dasturi doirasida ichki turizmni rivojlantirishni muvofiqlashtirib borish uchun mas’ul etib Turizm va madaniy meros vazirligi hamda Qoraqalpog‘iston Vazirlar Kengashi, viloyatlar va Toshkent shahar hokimliklari belgilangan.
Mavzuga doir:
- O‘zbekistonda jamoa shartnomalariga xodimlar uchun yiliga bir marotaba mahalliy sayohatga chiqish qoidasi kiritiladi
- O‘zbekistonda turizm magistrali bo‘ylab 31 ta shahar va tumanlarda karvonsaroylar quriladi
- O‘zbekistondagi har bir viloyatda turistlar uchun jozibador bo‘lgan kamida 20 million dollarlik 1 tadan yirik loyiha boshlanadi