“Liverpul” hujumchisi Muhammad Saloh “Vilyarreal”ga qarshi o‘yindan (3:2) so‘ng o‘z fikrlarini bildirib o‘tdi.
Finalda “Real” bilan to‘qnash kelishni xohlayman. Ular bir marta bizni finalda mag‘lub etgandi, keling, yana bir marta o‘ynaymiz.Chempionlar Ligasi yarim finalining ikkinchi o‘yinida “Manchester Siti” Madridda “Real” bilan to‘qnash keladi. Jamoalar o‘rtasidagi dastlabki o‘yin 4:3 hisobida “shaharliklar” foydasiga hal bo‘lgandi.So‘nggi 5 yilda 3 marta finalga chiqdik. Kiyim almashtirish xonasida barcha xursand. Bugun bayram qilyapmiz, ammo ertadan yana diqqatimizni jamlaymiz.
Jamoa uchun bor kuchimni sarflayman. Bitta sovrinni qo‘lga kiritdik. Oldinda Angliya Kubogi finali va Chempionlar Ligasi finali turibdi. Mavsum oxirida nimalarni xohlayotganimni bilaman.
Albatta, bizning maqsadimiz — kvadrupl. Har doim APL va Chempionlar Ligasida zafar quchishni xohlaganman. Nega buni qilmaslik kerak?
Muhammad Saloh, “Liverpul” futbolchisi
Izoh (0)