“Turkiston” san’at saroyida 3-may – Jahon matbuoti erkinligi kuniga bag‘ishlab ta’sis etilgan jurnalistika sohasidagi “Oltin qalam” Milliy mukofoti uchun xalqaro tanlovining g‘olib va sovrindorlarini taqdirlashga bag‘ishlangan tantanali marosim bo‘lib o‘tdi.
Tanlovga 435 ta jurnalist o‘zining 5 000 ga yaqin jurnalistik materiallari bilan ishtirok etgan.
Ushbu tanlovda “Daryo” nashri fotomuxbiri Madina Nurman “Oltin qalam” XVI milliy mukofotining “Eng yaxshi fotoreportaj” nominatsiyasi g‘olibi bo‘ldi.
Eslatib o‘tamiz, 2021-yilda Madina Nurman 8-mart — Xalqaro xotin-qizlar kuni munosabati bilan “Shuhrat” medali bilan taqdirlangandi.
Izoh (0)