Toshkent shahrining Olmazor tumanida joylashgan “G‘alaba bog‘i” yodgorlik majmuasiga kirish vaqtinchalik to‘xtatilgani to‘g‘risida xabar berilgandi. Mudofaa vazirligi matbuot xizmatining ma’lum qilishicha, 25-apreldan majmua tashrif buyuruvchilar uchun yana ochilgan.
“Olmazor tumanida joylashgan ‘G‘alaba bog‘i’ yodgorlik majmuasi va uning tarkibidagi ‘Shon-sharaf’ davlat muzeyida ta’mirlash va obodonlashtirish ishlari nihoyasiga yetgani munosabati bilan majmua 25-aprel kunidan boshlab tashrif buyuruvchilar uchun yana ochildi”, — deyiladi xabarda.
Eslatib o‘tamiz, prezident Shavkat Mirziyoyev 2019-yil 25-iyun kuni Olmazor tumanida bo‘lib, ushbu hududda “G‘alaba bog‘i” qurilishi bo‘yicha topshiriqlar bergan, mazkur topshiriq asosida bog‘ konsepsiyasi ishlab chiqilgandi.Vazirlar Mahkamasining “G‘alaba bog‘i majmuasi faoliyatini tashkil etish chora-tadbirlari to‘g‘risida”gi qarori loyihasiga ko‘ra, Toshkent shahri Olmazor tumanida barpo etilgan Ikkinchi jahon urushi davriga oid “G‘alaba bog‘i” majmuasi operativ boshqaruv huquqi asosida O‘zbekiston Mudofaa vazirligi tasarrufiga beriladi. Bog‘ tarkibida “Shon-sharaf” muzeyi ham faoliyat yuritadi. Shavkat Mirziyoyev 2020-yil may oyida “Shon-sharaf” muzeyini borib ko‘rgan edi.
Izoh (0)