O‘zbekistonda bukmeykerlik xizmatlarini amalga oshirish va ularni reklama qilish taqiqlangan. Shunga qaramay, Instagram ijtimoiy tarmog‘ida ayrim o‘zbekistonlik blogerlar onlayn qimorni reklama qilishi holatlari aniqlangan.
Xususan, “Shoqqi vines” akkaunti foydalanuvchisi qimor va tavakkalchilikka asoslangan veb-saytlarni targ‘ib qiluvchi ma’lumotlar tarqatib kelayotgani ma’lum bo‘lgan. Foydalanuvchi reklama uchun noma’lum shaxsdan ma’lum bir miqdorda mablag‘lar olib kelgan. Hozirda ushbu shaxsni aniqlashga qaratilgan tezkor-surishtiruv harakatlari olib borilmoqda.
“‘Shoqqi vines’ profilidagi Shuhratjon meni reklama uchun chaqirdilar. Men uning totalizator, qimorbozlik ekanidan xabarim yo‘q edi”, — deydi aktrisalardan biri.
Shuningdek, mashhur kulgi jamoalardan birining a’zosi ham qimor o‘yinlarini reklama qilgani holati aniqlangan.
“Reklama qilingan platformada ruletka va promokodlar nima ekanini bilmasdim. Barcha-barchadan uzr so‘rayman va bunday videolar qaytib qo‘ymaslikka so‘z beraman”, — deydi aktyor.
Yuqoridagi holatlar yuzasidan tergovga qadar tekshiruvlar o‘tkazilmoqda.
Izoh (0)