O‘zbekistonga jahon inqirozdan minimal yo‘qotishlar bilan chiqishga yordam beradigan uchta narsa ma’lum bo'ldi

Ukrainadagi urush va Rossiyaga qarshi sanksiyalar, shubhasiz, O‘zbekistonga ta’sir qiladi. Bu haqda Fitch agentligi hisobotida aytilgan.

Xususan, joriy hisob taqchilligining oshishi va inflyatsiyaning tezlashishi (narxlarning o‘sish sur’ati) kutilmoqda.

Shu bois O‘zbekistonning 2022-yilda iqtisodiy o‘sishi 3,1 foizgacha sekinlashadi. 2023-yilda o‘sish 4,5 foizgacha tiklanishi mumkin, biroq bu uchun O‘zbekiston yangi eksport bozorlarini va yirik loyihalarni moliyalashtirishning yangi manbalarini topishi, islohotlar dasturini davom ettirishi kerak.

Fitch tahlilchilarining fikricha, hozirda O‘zbekistonning mavqeyi barqaror – davlat qarzi past, iqtisodiy o‘sish sur’atlari esa yuqori.

Shu bilan birga, mamlakat hali ham chet el xomashyosiga yuqori darajada qaram bo‘lmoqda, aholi jon boshiga yalpi ichki mahsulot esa juda past darajasida.

Avvalroq O‘zbekistonda inflyatsiya 2022-yilda 12,7 foiz darajaga chiqishi taxmin qilingani haqida xabar berilgan edi.