Shavkat Mirziyoyev raisligida 29-aprel kuni o‘tkazilgan videoselektor yig‘ilishida ota-ona qaramog‘idan mahrum bo‘lgan bolalar, boquvchisini yo‘qotgan xotin-qizlar, nogironligi bo‘lgan shaxslar, og‘ir kasallikka chalinganlarga g‘amxo‘rlik ko‘rsatish bo‘yicha yangi tizim yaratilgani ta’kidlandi. Bu haqda prezident matbuot kotibi xabar qildi.
Qayd etilishicha, ushbu tizimga muvofiq, mehribonlik uylaridagi 1,5 mingga yaqin o‘g‘il-qizlar oilalarga olingan, 116 ta oilaviy uy tashkil qilinib, 700 ga yaqin farzandlar ota-ona bag‘rida voyaga yetishi uchun sharoit yaratilgan. Buning hisobiga 10 ta mehribonlik uyi, 4 ta bolalar shaharchasi va 2 ta bolalar uyi yopilgan. Shuningdek:
- o‘tgan yili 757 nafar bola uy-joy bilan ta’minlangan, 2022-yil yakuniga qadar yana 350 ta ajratiladi;
- davlat hisobidan 4 mingdan ziyod bolalarda murakkab operatsiyalar o‘tkazilgan;
- o‘tgan yili 42 mingga yaqin nogironligi bo‘lgan shaxslarga olib berilgan;
- o‘tgan yili eshitish qobiliyati zaif 555 nafar bola koxlear implant bilan ta’minlangan, joriy yilda yana 250 nafar bolaga shunday yordam ko‘rsatiladi;
- 4 ming nafar ko‘zi ojiz bolalarga Brayl alifbosi tarqatilgan.
Izoh (0)