O‘zbekiston va Rossiya samolyot ishlab chiqarishni yo‘lga qo‘yish bo‘yicha muhokama olib bormoqda. Rossiya sanoat va savdo vaziri o‘rinbosari Oleg Bocharovga ko‘ra, so‘nggi yillarda Rossiya o‘zining asosan yo‘lovchi samolyotlarini ishlab chiqarishga katta ehtiyoj sezmoqda.
Bu jarayonni soddalashtirish va kengaytirish uchun Rossiya Sovet davridan beri samolyotlar ishlab chiqarish infratuzilmasi saqlanib qolgan O‘zbekiston yordamida yo‘lovchi laynerlarini ishlab chiqarish niyatida, — dedi Rossiya sanoat va savdo vaziri o‘rinbosari Oleg Bocharov.
Unga ko‘ra, Toshkentga rossiyalik samolyotsozlik mutaxassislari kelishi, loyihaviy muhandislik yechimlari uyg‘unlashtirilishi zarur. Toshkentda qolgan barcha ishlab chiqarish quvvatini qayta yo‘lga qo‘yish va jonlantirish kerak.
O‘zbekistonga Sovet samolyot ishlab chiqaruvchilari xotirasi xiyobonini saqlab qolgani, samolyotsozlik maydonlarini modernizatsiya qilgani uchun tashakkur. Bular hammasi hamkorlik uchun yaxshi asos bo‘lishi mumkin, — deydi u.
Bir necha yil avval Shavkat Mirziyoyev tomonidan aviatsiya texnikasini yig‘ishni qayta yo‘lga qo‘yish rejalari bildirilgan edi.
Avvalroq Turkiya Rossiya uchun ikkita maxsus aviakompaniya tashkil qilgani haqida xabar berilgan.
Izoh (0)