Mark Sukerbergning shaxsiy boyligi bir kunda keskin oshib ketdi. Bu haqda Bloomberg xabar berdi.
Payshanba kuni Meta (Facebook va Instagram egasi) birinchi chorakda prognoz qilinganidan ko‘proq foydalanuvchilar jalb qilganini e’lon qildi.
Shundan so‘ng kompaniyaning aksiyalar narxi 17,6 foiz o‘sib, 37 yoshli Sukerberg boyligiga 11 milliard dollar qo‘shdi.
Mark Sukerbergning hayotida bu eng katta bir kunlik o‘sish bo‘ldi. Buning natijasida Facebook asoschisi dunyodagi eng boy odamlar ro‘yxatida olti pog‘onaga ko‘tarilib, 12-o‘rinni egalladi.
Avvalroq Sukerberg qariyb 30 mlrd dollar yo‘qotib, dunyodagi eng boy odamlar o‘nligidan chiqib ketgani haqida xabar berilgan edi.
Izoh (0)