O‘zbekiston davlat jahon tillari universiteti talabasi to‘rtinchi qavatdan sakrab o‘z joniga qasd qilgani to‘g‘risida xabar berilgandi. Bosh prokuratura matbuot xizmatining ma’lum qilishicha, hozirda holat yuzasidan tekshirish harakatlari olib borilmoqda.
29-aprel kuni soat 08:10 larda Uchtepa tumanida joylashgan O‘zbekiston davlat jahon tillari universiteti ma’muriy binosining 4-qavatidan Namangan viloyatida tug‘ilgan 21 yoshli 2-kurs bosqich talabasi (erkak) o‘zini pastga tashlab, joniga qasd qilgan.
Hozirda sodir etilgan hodisaning aniq sabablarini aniqlash, ish uchun ahamiyatli bo‘lgan iz, dalil va boshqa muhim buyumlar inson ta’siri oqibatida yo‘qolishi yoki shikast yetkazilishining oldini olish maqsadida, jinoyat protsessual qonunchiligiga rioya qilgan holda Uchtepa tuman prokuraturasi tomonidan tekshirish harakatlari olib borilmoqda.
Avvalroq Samarqand davlat universitetiga qarashli talabalar yotoqxonasida 29-mart kuni soat 02:00 larda S.E. ismli talaba qiz o‘zini 9-qavatdan tashlab, vafot etgani haqida xabar berilgandi. Samarqand viloyati prokuraturasi holat yuzasidan jinoyat ishi qo‘zg‘atgan.
Izoh (0)