EisnerAmper tijoriy ko‘chmas mulk sohasidagi asosiy trendlarning har yilgi prognoziga ko‘ra, tijoriy ko‘chmas mulk investorlar uchun eng maqbul yo‘nalish bo‘lib qolmoqda. 2021-yilda dunyoda kelishuvlarning umumiy hajmi 800 milliard dollardan oshib ketdi, bu pandemiyadan oldingi ko‘rsatkichdan uchdan bir hissaga ko‘proq. Shu bilan birga, bu sarmoya kiritishni endi boshlagan tadbirkorlarda ko‘plab savollar uyg‘otadi. Tijoriy maydonlarga sarmoya kiritayotganda nimalarga e’tibor qaratish kerakligi haqida ushbu maqolamizda so‘zlab beramiz.
Gap investitsiya haqida borganda odatda birinchi bo‘lib sarmoyaning o‘zini o‘zi oqlashi haqidagi savol tug‘iladi va tabiiy ravishda ikkilanish yuzaga keladi: turar joymi yoki tijoriy maydon? Tajribali investorlar ko‘proq tijoriy ko‘chmas mulkni ma’qul ko‘radilar, buni ko‘proq daromad va kiritilgan sarmoyaning qisqaroq muddatda qaytishi bilan izohlash mumkin.
Bundan tashqari, real estate ekspertlar obyektlarning likvidligiga e’tibor qaratishni maslahat beradilar. Bozordagi vaziyatga qaramay, likvid maydonlar joylashuv yoki boshqa mezonlarga ko‘ra talabgir bo‘lib qolaveradi. Mana shu parametrlar bo‘yicha birinchilardan bo‘lib tijoriy ko‘chmas mulk ham turadi.
Ayni damda bu bozor investitsion salohiyati nuqtayi nazaridan yaxshisi bo‘lib qolmoqda. Agar passiv investitsiya haqida so‘z borsa, O‘zbekistonda tijoriy maydondan yillik daromad 10—13 foizni tashkil qiladi, aktiv investitsiyalar esa 15 foizgacha chiqishi mumkin. Ushbu raqamlarni tahlil qilib ko‘rishimiz mumkinki, uning o‘zini o‘zi oqlash muddati 7—8 yilni tashkil etadi.
O‘zini o‘zi oqlashi darajasi yuqoriroq va likvidroq bo‘lgan obyektlar orasida savdo-ko‘ngilochar markazlarni alohida ta’kidlash mumkin. Toshkentning ko‘plab aholisi qalbidan joy olgan Depo Mall SKM joylashuvi misolida ko‘rib chiqamiz. Markaz strit-riteyl formatida faoliyat yuritadi. U puxta o‘ylangan logistika va qulay sharoitlarga ega hamda 9 ming kvadrat metr maydonni egallagan.
Markazning birinchi bosqichi to‘liq sotib bo‘lindi, maydonlar band qilinmoqda va ijarachilar bilan to‘lib bormoqda. Savdo markazining rasmiy ochilishi 2021-yilning dekabr oyida bo‘lib o‘tdi. 2022-yil aprel oyida esa Golden House loyihaning ikkinchi bosqichini sotuvga chiqardi va cheklangan miqdordagi maydonlarni qulay narxlarda taklif qildi.
Ikkinchi bosqich to‘liq amalga oshgandan so‘ng Depo Mall shaharning yirik savdo markazlaridan biriga va 200 dan ziyod tijoriy maydonlarni o‘z ichiga olgan Toshkent aholisini jalb qiluvchi yangi nuqtaga aylanadi. SKMning mukammal konsepsiyasi do‘konlar, oziq-ovqat savdo maydonlari, restoranlar va umumiy ovqatlanish nuqtalarini o‘zida mujassam etgan. Shuningdek, bu yerda bolalar va ularning ota-onalari uchun ijodiy hamda ko‘ngilochar maydonlar kabi keng xizmatlar taqdim etilgan. Ushbu markazda sayr hududlari va avtoturargohga katta e’tibor qaratilgani tahsinga loyiq.
Depo Mall’dagi tijoriy ko‘chmas mulkning investitsion jozibasiga bir qancha omillar ta’sir ko‘rsatadi:
- Joylashuv: markaz poytaxtning tarixiy joylaridan birida, qachonlardir 2-tramvay deposi o‘rnida qad ko‘targan va tuman aholisi uchun piyoda yurish masofasida joylashgan.
- Moyil auditoriya va ochiq trafik: savdo markazlari mehmonlarining asosiy maqsadi — maroqli shoping va hordiq chiqarish. Odamlar bu yerga xarid qilish uchun keladi. SKM formati turli maydon va shakldagi 200 dan ziyod savdo nuqtalari (kiyim-kechak, texnika, xizmatlar, ko‘ngilochar hudud)ni ko‘zda tutgani bois, bu turli xil mijozlarni jalb qiladi va yaxshi trafik bilan ta’minlaydi.
- Hududlarga to‘g‘ri bo‘lish va tarhlash trafikni oshiradi. Shu bilan birga, investorlarga o‘z bizneslari ehtiyojiga qarab, qulay maydon tanlashga imkon beradi. Depo Mall SKMda biznes uchun qulay joylashuvdagi 37 kvadrat metrdan 600 kvadrat metrgacha bo‘lgan turli maydonlar mavjud.
- Kompleks reklama: savdo markazlari tashrifchilar sonini oshirish maqsadida o‘z obyektlari uchun yirik reklama kampaniyalarini o‘tkazib turadilar. Bu biznes egalarining reklamalari uchun yaxshi bonus bo‘ladi.
Manzil: Uchtepa tumani, “Hamdo‘st” mahallasi
Mo‘ljal: Katta Qa’ni va Lutfiy ko‘chalari kesishmasi
Sayt: depomall.uz
Reklama huquqi asosida.
Izoh (0)