“Kimdir aralashsa, keskin javob qaytaramiz. Hech kim maqtana olmaydigan uskunalarga egamiz”. Putin Ukrainadagi urush sabab yana G‘arbga tahdid qildi

Rossiya prezidenti Vladimir Putin davlat dumasi va Federatsiya kengashidagi maslahat organi hisoblangan, ikki palata spikerlari, ularning o‘rinbosarlari, davlat dumasi hamda Federatsiya kengashi qo‘mitalari rahbarlari, hududlardagi qonunchilik organlarining spikerlari ishtirokidagi yig‘ilishda nutq so‘zladi. Meduza Putinning ushbu yig‘ilishdagi nutqining qisqa shaklini taqdim etdi.

Ukrainada sodir bo‘layotgan ishlarga aralashgan va strategik jihatdan tahdidlar qilganlarga ayovsiz javob beriladi. Buning uchun hech kim maqtana olmaydigan uskunalarga egamiz. Biz ham maqtanmaymiz. Kerak bo‘lsa, ulardan foydalanamiz. Bu borada barcha qarorlar qabul qilingan. Mamlakatimizga do‘st bo‘lmaganlar yildan yilga Ukrainani Rossiyaga qarshi qayrab, yangi geosiyosiy qurol ishlab chiqishga urindi. Ukrainani Rossiya bilan to‘g‘ridan to‘g‘ri to‘qnashuvga undadi, ular hatto Qrim va Donbassga hujum rejalarini ham tuzgandi. Yangi sanksiyalar cheklovlari orqali Rossiyaga qarshi iqtisodiy urushga tayyorgarlik ko‘rildi. Ammo iqtisodiy bo‘g‘ish rejalari amalga oshmadi. Rossiyalik harbiylar vatanimiz oldidagi real xavfning oldini olishdi. So‘nggi kunlardagi voqea-hodisalar, xususan, Kiyev hukumatining yadro quroli yuzasidan e’tirozlari, Ukraina hududida G‘arbning biologik laboratoriyalari tashkil qilinayotgani, mamlakatga eng zamonaviy qurol-yarog‘lar yetkazib berilayotgani, bizning ushbu harakatlarga nisbatan reaksiyamiz to‘g‘ri va o‘z vaqtida berilganini tasdiqlaydi. Qrim, Rossiya, DXR va LXR aholisining xavfsizligini kafolatlash uchun qilingan tarixiy maxsus harbiy operatsiyaning barcha maqsadlari to‘liq amalga oshirildi.

Vladimir Putin