Toshkent viloyati Bo‘stonliq tumanida davlat zaxirasidagi yer maydonini sotmoqchi bo‘lgan shaxs tezkor xodimlar tomonidan ushlandi. Bu haqda viloyat Ichki ishlar bosh boshqarmasi xabar qildi.
Qayd etilishicha, 20-aprel kuni Toshkent viloyati IIBB Yer resurslarini qonunga xilof ravishda talon-toroj qilishga qarshi kurashish bo‘linmasi xodimlari tomonidan navbatdagi tezkor tadbir o‘tkazilgan. Unda Bo‘stonliq tumanida yashovchi fuqaro M.E. (1979-yilda tug‘ilgan) mazkur tuman hududidan noqonuniy o‘zlashtirgan (davlat zaxirasidagi yer) 10 sotix yer maydonini 40 ming dollariga sotayotgani aniqlangan. U tezkor tadbirda talab qilingan puldan avans sifatida 800 dollar olayotgan vaqtida tezkor xodimlar tomonidan ushlangan.
Holat yuzasidan fuqaro M.E.ga nisbatan Jinoyat kodeksining 168-moddasi (firibgarlik) va 28-211-moddasi (pora berish) bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
Mavzuga doir:
- Samarqandda fermer xo‘jaligiga tegishli 6 gektar yerni 170 ming dollarga sotishga uringan shaxs qo‘lga olindi
- Samarqandda fuqaroga hokimlik zaxirasidagi 0,4 gektar yerni olib berish uchun 20 ming dollar olgan shaxs ushlandi
- Surxondaryoda otasiga tegishli yerni 32,5 mln so‘mga sotib yuborishga uringan bojxona inspektori qo‘lga olindi
Izoh (0)