Pep Gvardiola: Menga qolsa hisob 8:0 bo‘lgani yaxshiroq edi, biroq bunaqasi Marsda bo‘ladi, “Real”ga qarshi o‘yinda emas

“Manchester Siti” bosh murabbiyi Pep Gvardiola “Real”ga qarshi Chempionlar Ligasi yarim final o‘yinidan (4:3) so‘ng o‘z fikrlari bilan o‘rtoqlashdi.

Ikkala jamoa uchun fantastik o‘yin bo‘ldi. Juda yaxshi ishni amalga oshirdik. Afsuski, gol o‘tkazib yubordik va ko‘p gol ura olmadik. Ammo qarama-qarshilik ikki o‘yindan iborat va biz bir haftadan keyin yana o‘ynaymiz.

Hamma xursand bo‘ldi, biz yirik hisobda g‘alaba qozonmoqchi edi, ammo 4:3 ham yomon natija emas. O‘z o‘yinimizni o‘ynash uchun Madridga boramiz. Bu “Real”, ular hujumda ajoyib qurolga ega.

Murabbiy o‘z jamoasini shunday o‘ynayotganini ko‘rsa, natijaga u qadar ahamiyat bermaydi, garchi bu Chempionlar Ligasi yarim finali bo‘lsa ham. Sizga o‘yin yoqdimi? Kim uchundir yoqmadi, menga qolsa hisob 8:0 bo‘lsa yaxshiroq edi. Ammo bu Yupiter yoki Marsda ro‘y beradi, “Real”ga qarshi o‘yinlarda, odatda, bunaqasi sodir bo‘lmaydi.

Aqlbovar qilmas jamoaga qarshi ajoyib o‘yin o‘tkazdik. Birinchi bo‘limda ular o‘yinga qaytishiga imkoniyat taqdim etdik, deb o‘ylayman, chunki ular juda asabiy edi. Bundan tashqari ular kuchli pressing uyushtirdi.

Gap final haqida ketmoqda va bu futbolda ba’zida sodir bo‘ladi. Biz Madridga g‘alaba qozonish uchun boramiz.

Lyorente qo‘li bilan o‘ynagan o‘yinda “Tottenhem”ga yutqazib, Chempionlar Ligasidan chiqib ketgandik. Endi esa Lyaport qo‘l bilan o‘ynadi. Bu bo‘lib turadigan holat. Qo‘ldan kelgancha o‘ynashimiz lozim. “Real”da shunday salohiyat borki, ular istalgan vaqtda sizni jazolay oladi.

To‘p bilan va usiz qanday o‘ynaganimizni inobatga olsak, men ko‘proq narsa talab qila olmayman. Futbolchilarga dam olishi kerakligini ayta olaman. Eng muhimi — “Lids”ga qarshi o‘yin va undan so‘ng Madridga g‘alaba qozonish uchun boramiz. Karlo Anchelotti va uning jamoasini tabriklayman, ular juda yaxshi o‘ynadi. Shu bilan birga finalga chiqishimiz mumkinligini ko‘rdik.

Pep Gvardiola, “Manchester Siti” bosh murabbiyi