27-aprel kuni kutilayotgan kuchli yomg‘irlar yog‘ishi hisobiga Farg‘ona vodiysi viloyatlarining tog‘oldi va tog‘li hamda Qirg‘iziston bilan chegaradosh hududlarida sel-suv toshqin hodisalari yuzaga kelishi mumkin. Bu haqda “O‘zgidromet” xabar berdi.
Jumladan:
- Namangan viloyati: Pop, Kosonsoy, Chortoq, Chust, Namangan, Yangiqo‘rg‘on tumanlarida;
- Farg‘ona viloyati: So‘x, Farg‘ona, Beshariq tumanlarida;
- Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izbosgan, Xo‘jaobod, Marhamat tumanlarida va Xonobod shahrida sel-suv toshqin hodisalari yuzaga kelishi mumkin.
Eslatib o‘tamiz, “O‘zgidromet” prognoz qilganidek, 20-aprel kuni Samarqand, Jizzax, Navoiy hamda Qashqadaryo viloyatlarida kuchli yomg‘ir yog‘ib, sel kuzatildi. Sel oqimlari oqizib ketishi natijasida Forish tumanida 4 kishi (1 nafar erkak, 3 nafar ayol) halok bo‘ldi. Keyinchalik yana bir kishi halok bo‘lgani aniqlandi.
Izoh (0)