Odatda ayollarning aksariyati tonal kremini tanlashda bir qancha kamchiliklarga yo‘l qo‘yadi. Afsuski, xarid qilingan kosmetik vosita yuzga qo‘llangach, kutilgan natijani bermaydi. Harper’s Bazaar nashri bu borada ayollarga qo‘llanma sifatida bir nechta tavsiya berib o‘tdi.
Terining turiga e’tibor bering
Albatta, tonal krem tanlashda uning rangi asosiy rol o‘ynaydi. Shuning uchun tonal surtiladigan terining turiga katta e’tibor berish kerak. Quruq teri uchun tarkibida gialuron kislotasi va boshqa namlantiruvchi moddalar mukammal qoplamani ta’minlaydi va terini namlik bilan oziqlantiradi. Ammo quruq teri egalari uchun kompozitsiyadagi minerallarga e’tibor berish yaxshiroqdir — ular teri yog‘ini ishlab chiqarishni kamaytirishga yordam beradi va teshiklarni yopmaydi.
Rang bilan xato qilmang
Do‘kondan tonal krem tanlayotganda, uni qo‘lda sinab ko‘rmaslik kerak: terining rangi tananing turli qismlarida biroz farq qiladi va mashhur qoidadan farqli o‘laroq, yuz va qo‘llar rangi bir xil emas. Tonal kremni yonoq suyagi ostidagi qismda va pastki jag‘ning chizig‘ida sinab ko‘rish kerak: rang teri bilan mukammal birlashishi va bo‘yin hamda dekolte rangidan farq qilmasligi lozim. Yodda tutingki, tonal krem havo ta’sirida oksidlanadi va rangi biroz o‘zgaradi, shuning uchun bir nechta namunalarni olib, ularni tabiiy yorug‘likda uyda qo‘llashga harakat qilish va yakuniy rangni ko‘rish uchun biroz vaqt qoldirish tavsiya etiladi.
SPF mahsulotlaridan foydalanishni unutmang
Necha marta bulutli havoda ham SPF’ni qo‘llash kerakligini aytishgan. Shuningdek, butun yil davomida ham. Biroq ko‘pchilik bu qoidani e’tiborsiz qoldirishda davom etmoqda. Ikkala muammoni hal qilishning samarali usuli — bu kompozitsiyada SPF himoyasi bo‘lgan tonal kremdir. Bunday mahsulot terini ultrabinafsha nurlarining shikastlashidan himoya qiladi va teriga yaxshi singib ketadi.
Mavsumni ham e’tiborga oling
Ha, tonal kremlari ham mavsumiydir. Albatta, hech kim buni qadoqqa yozmaydi, lekin juda oddiy mezonlarga asoslanib, mahsulot ma’lum bir mavsumga mos keladimi yoki yo‘qligini aniqlash mumkin. Yozdan boshlaylik: issiqlik va yuqori namlik teri uchun qulay sharoit emas. Yozda og‘ir zich mahsulotlardan foydalanish deyarli 100 foizlik ehtimol bilan tiqilib qolgan teshiklarda yallig‘lanishni qo‘zg‘atadi, shuning uchun issiq havoda yengil namlantiruvchi BB kremlari yoki mineral kukundan foydalanish yaxshiroqdir. Qishda, aksincha, namlantiruvchi tonal kremlar terining yorilishiga olib kelishi mumkin. Shuning uchun sovuq havoda neytral tarkibga ega mahsulotlarni tanlash va ularni ishlatishdan oldin terini yaxshilab namlash va oziqlantirish tavsiya etiladi.
Izoh (0)