Samarqand viloyatida fuqarolarni 40 ming dollar evaziga AQSHga noqonuniy yo‘llar bilan yuboruvchi jinoiy guruh a’zolari ushlandi, deb xabar bermoqda viloyat Ichki ishlar boshqarmasi.
Qayd etilishicha, Samarqand viloyati IIB hamda DXX viloyat boshqarmasi xodimlari tomonidan tezkor tadbir o‘tkazilgan. Unda O‘zbekiston fuqarolarini aldov yo‘li bilan Turkiya va Lotin Amerikasi davlatlari orqali AQSHga noqonuniy yuborish bilan shug‘ullanuvchi jinoiy guruh faoliyatiga chek qo‘yilgan.
Xususan, Samarqand tumanida yashovchi X.D. (1982-yilda tug‘ilgan) AQSHda istiqomat qiluvchi jinoiy sherigi X.J. (1982-yilda tug‘ilgan) bilan o‘zaro jinoiy til biriktirgan. Mahalliy fuqaroni 40 ming dollar evaziga aylanma yo‘llar orqali AQSHga yuborishni va’da qilib, oldindan kelishilgan mablag‘ning 5 ming dollarini olgan vaqtida ashyoviy dalillar bilan ushlangan.
Holat yuzasidan yuqoridagi shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga doir:
Izoh (0)