Qirg‘iziston va Shvetsiyaning O‘zbekistondagi yangi elchilaridan ishonch yorliqlarining nusxalari qabul qilindi. Bu haqda TIV matbuot xizmati xabar berdi.
Ma’lum qilinishicha, 25-aprel kuni O‘zbekiston tashqi ishlar vaziri o‘rinbosari Vladimir Norov Qirg‘iziston elchisi etib tayinlangan Musa Jamanbayevdan ishonch yorliqlarining nusxalarini qabul qildi va uni mas’uliyatli lavozimga tayinlangani bilan tabriklab, diplomatik missiyasini amalga oshirishda muvaffaqiyatlar tiladi.
Suhbat chog‘ida O‘zbekiston—Qirg‘iziston yaxshi qo‘shnichilik va strategik sheriklik munosabatlarining dolzarb masalalari ko‘rib chiqildi. Tomonlarning siyosiy, savdo-iqtisodiy, transport, energetika va madaniy-gumanitar sohalarda aloqalarni yanada jadallashtirishga tayyorligi ta’kidlandi.
Ilgari erishilgan kelishuvlar ijrosi, shuningdek, oliy, yuqori va mintaqalararo darajalardagi bo‘lajak tadbirlar jadvali ko‘rib chiqildi. BMT, MDH, SHHT, Islom hamkorlik tashkiloti, Turkiy davlatlar tashkiloti va boshqa xalqaro tuzilmalar doirasida hamkorlikni davom ettirishga kelishib olindi.
Eslatib o‘tamiz, 2018-yilning dekabridan buyon Qirg‘iziston elchixonasiga rahbarlik qilgan Ibrahim Junusov 2021-yil dekabrida lavozimdan olingan edi.
Mavzuga doir: Shavkat Mirziyoyev may oxirlarida Qirg‘izistonga boradi
Suhbat chog‘ida O‘zbekiston—Shvetsiya kun tartibi hamda xalqaro tashkilotlar doirasidagi hamkorlikning dolzarb masalalari muhokama qilingan, siyosiy-diplomatik, savdo-iqtisodiy, investitsiyaviy va tomonlarni qiziqtirgan boshqa sohalarda o‘zaro manfaatli aloqalarni faollashtirish bo‘yicha takliflar ko‘rib chiqilgan.
Tomas Danestad 2016-yildan buyon elchilik qilgan Ingrid Tersman o‘rnini egalladi.
Izoh (0)