Vayron bo‘lgan cherkovda pasxa nishonlayotganlar, Buchada yangi qabrlar. Urushning 60-kunidan fotoreportaj
Urushning oltmishinchi kunida AQSH davlat kotibi Entoni Blinken va Mudofaa vaziri Lloyd Ostin Ukrainaga keldi. Yevropada xavfsizlik va hamkorlik tashkiloti Donetsk va Luganskdagi xodimlari asirga tushgani haqida xabar qildi. Litva Yevropa Ittifoqiga Rossiyaning Ukrainadagi bosqinini qo‘llab-quvvatlagan patriarx Kirill (rus pravoslav yepiskopi)ga qarshi sanksiyalar qo‘llashni taklif qildi. Dam olish kunlari Rossiyada urushga qarshi aksiyalarning 20 dan ortiq ishtirokchisi qo‘lga olindi, deb xabar beradi “OVD-Info”. Meduza 24-aprelga oid urush suratlarini jamladi.
Mariupoldagi o‘qqa tutilgan binoda Ukraina gerbi.Foto: “TASS”
Donetsk viloyati Baxmut shahrida pasxani nishonlayotgan ona-bola.Foto: AP Photo
Qutqaruvchilar Odessada bir kun avval raketa urilgan turar joy binosi vayronalarini tozalamoqda. Kamida sakkiz kishi, jumladan 3 oylik chaqaloq hujum qurboni bo‘lgandi. Rossiya Mudofaa vazirligi hujum nishoni qurollar saqlanadigan harbiy aerodromdagi logistika terminali bo‘lganini da’vo qilmoqda.Foto: Getty Images
Lvovda halok bo‘lganlar xotirasiga bag‘ishlangan yodgorlik devori. Shahar boshqa hududlardan ko‘chib kelgan 200 mingdan ortiq odam uchun boshpanaga aylangan, biroq bir hafta oldin shaharda raketa hujumi oqibatida yetti kishi halok bo‘lgan edi.Foto: Getty Images
Mariupol ko‘chalaridan birida turgan “DXR xalq militsiyasi”ning harbiy texnikasi. Hozir shaharni rus harbiylari bosib olgan.Foto: “TASS”
Irpen. Kiyev viloyati.Foto: AFP
Kiyev viloyati, Peremoga qishlog‘idagi vayron qilingan cherkovda pasxa nishonlayotgan dindorlar. Cherkov qishloqdagi 1944-yilgi yong‘indan omon qolgan yagona bino edi.Foto: EPA
Buchadagi yangi qabrlar. Rossiya armiyasi Kiyev viloyatidan olib chiqilgach, 900 nafar tinch aholining jasadi topildi.Foto: EPA
Zaporojyeda pasxa ibodatlarini ado etayotgan odamlar.Foto: Getty Images
Kiyev viloyatining Dmitrovka qishlog‘ida ota o‘g‘li bilan yonib ketgan rus texnikasini ko‘zdan kechirmoqda.Foto: AFP
Kiyevdagi parkda dam olayotgan odamlar.Foto: AP Photo
Odessada mahalliy aholi pasxa kulchalari va tuxumlarini tabarruk qilish uchun kelmoqda.Foto: Getty Images
Qariyb ikki oylik judolikdan keyin Kiyevdagi temir yo‘l vokzalida qayta uchrashgan oila. Shahar aholisi uyga qaytishni boshladi.Foto: AP Photo
Ukrainalik askarlar Donetsk viloyati, Liman shahri chetidagi yo‘lda. Shahar yaqinida janglar davom etmoqda.Foto: AFP
Izoh (0)