Vazirlar Mahkamasining “2022—2026-yillarda Qashqadaryo viloyati hududlarini kompleks ijtimoiy-iqtisodiy rivojlantirish va aholi turmush darajasini yanada yaxshilashga doir qo‘shimcha chora-tadbirlar to‘g‘risida”gi qarori qabul qilindi. Bu haqda Norma xabar qildi.
Qayd etilishicha, hujjat bilan quyidagilar tasdiqlangan:
- aholini qiynab kelayotgan mavjud muammolarni bartaraf etishga qaratilgan hamda amaliy tadbirlarni o‘z ichiga olgan “yo‘l xaritasi”;
- Qashqadaryo viloyati shahar va tumanlarining ixtisoslashuvi, “o‘sish nuqtalari” va “drayver sohalari”;
- sanoat, qishloq xo‘jaligi va xizmat ko‘rsatish sohalarini rivojlantirish bo‘yicha investitsiya loyihalarining yig‘ma parametrlari;
- 2022-yilda Qashqadaryo viloyatida muhandislik-kommunikatsiya, ishlab chiqarish va xizmat ko‘rsatish infratuzilmasini rivojlantirish hamda ijtimoiy soha obyektlarini qurish, rekonstruksiya qilish va ta’mirlash bo‘yicha kompleks tadbirlar;
- Qashqadaryo viloyatining shahar va tumanlarida ijtimoiy va ishlab chiqarish infratuzilmasini rivojlantirish bo‘yicha shakllantirilgan istiqbolli loyihalarning manzilli ro‘yxati.
Eslatib o‘tamiz, 22-aprel kuni Murodjon Azimov Qashqadaryo viloyatining hokimi etib tasdiqlangan. Shavkat Mirziyoyev u haqida fikr bildirib, “Bu nomzodni men kecha bilmaganman, uni 15 yildan beri bilaman. Bojxona — iqtisodiy darvozamiz. Menga qattiqqo‘l rahbar kerak edi. U Bojxona qo‘mitasida korrupsiya tizimini yo‘qotdi”, — degan.
Mavzuga doir:
- “Yashirmayman, men pul bilan keldim”. Shavkat Mirziyoyev Qashqadaryoga tashrifini Ko‘kdala tumanidan boshladi
- Qashqadaryo hokimi mahalliy budjet mablag‘lariga shaxsiy piarini yo‘lga qo‘ygan hokimlar faoliyatini tanqid qildi
- Qashqadaryo aholisiga 730 mlrd so‘mlik imtiyozli ipoteka kreditlari hamda ehtiyojmand oilalarga 72 mlrd so‘m subsidiya ajratiladi
Izoh (0)