Futbol bo‘yicha Fransiya chempionatining 34-turida “PSJ” 23-aprel, shanba kuni “Lans” bilan bahs yuritdi.
“Park de Prens” mezbonlik qilgan bahsda hisob 68-daqiqada Lionel Messi tomonidan ochildi. Argentinalik hujumchi Neymarning uzatmasidan keyin super gol urdi. Ammo 88-daqiqada Koranten Jan oradagi farqni yo‘qqa chiqardi va jamoasini mag‘lubiyatdan qutqarib qoldi.
Ushbu o‘yinda Maurisio Pochettino shogirdlari uchun durang natija ham yetarli edi. Durangdan keyin “PSJ” muddatidan avval Fransiya chempionligini qo‘lga kiritdi. Parijliklar (78) eng yaqin ta’qibchisi “Marsel”dan (62) 16 ochkoga ilgarilab ketgan. Bu jamoa uchun o‘z tarixidagi 10-sovrin bo‘ldi.
Qayd etish kerak, o‘tgan mavsumda “Lill” Liga 1 g‘olibiga aylangandi.
Liga 1
34-tur bahslari
23-aprel, shanba
“PSJ” – “Lans” 1:0
Gollar: 1:0 – 68 Messi, 1:1 – 88 Jan.“PSJ”: Navas, Hakimi (di Mariya, 76), Ramos, Markinyos, Kimpembe, Mendesh, Guye (Danilu Pereyra, 81), Verratti, Messi, Neymar, Mbappe.
“Lans”: Leka, Kloss (Machado, 73), Gradi, Danzo, Vu, Frankovski (Jan, 82), Fofana, Dukure, David Koshta (Ganago, 73), Sotoka (Said, 82), Kalimuendo (Aydara, 61).
Ogohlantirishlar: Danzo (9), Ramos (54), Verratti (73), Markinyos (78), Neymar (90).
Chetlatish: Danzo (57).
Izoh (0)