Angliyaning London shahridagi “Uembli” stadionida 23-apreldan 24-aprelga o‘tar kechasi yirik boks musobaqasi bo‘lib o‘tadi.
Kechaning markaziy jangida superog‘ir vazn toifasida WBC kamari sohibi Tayson Fyuri (31-0-1, 22 KO) WBC vaqtinchalik chempioni Dillian Uaytga (28-2, 19 KO) qarshi ringga chiqadi.
Bokschilar jangda oldin vazn o‘lchash marosimida ishtirok etdi. Unda Fyuri 120 kg vazn ko‘rsatgan bo‘lsa, raqibi 115 kg tosh bosdi.
Eslatib o‘tamiz, Tayson Fyuri bundan avvalgi jangini 2021-yil oktabr oyida amerikalik Deontey Uaylderga qarshi o‘tkazib, 11-raundda raqibini nokautga uchratgan edi. Dillian Uayt esa so‘nggi jangini 2021-yil mart oyida Aleksandr Povetkinga qarshi o‘tkazgan va 4-raundda rossiyalik raqibini dahshatli nokautga uchratib, g‘alaba qozongandi.
Izoh (0)