“Guanjou” klinikasining Toshkent va viloyatlardagi filiallarida tekshiruv o‘tkazilmoqda. Holat bo‘yicha jinoyat ishi qo‘zg‘atildi
Ijtimoiy tarmoqlarda Toshkentdagi “Guanjou” klinikasida o‘tkazilgan tekshiruv davomida dori vositalarini qo‘lbola usulda qalbakilashtirish holatlari aniqlangan videolar tarqaldi. Poytaxt IIBB holatga rasmiy munosabat bildirib, hozirda jinoyat ishi qo‘zg‘atilganini ma’lum qildi.
Foto: Guangzhou Medical of ChinaMa’lum qilinishicha, Guangzhou Medical of China MCHJ mansabdor shaxslari va xodimlariga nisbatan Jinoyat kodeksining 186-3-moddasi 2-qismi “b” bandi (Sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish, shuningdek dori vositalarini yoki tibbiy buyumlarni dorixonalardan va ularning filiallaridan tashqarida realizatsiya qilish) alomatlari bilan jinoyat ishi qo‘zg‘atilgan.
Jinoyat ishi doirasida mazkur klinikaning Toshkent shahridagi va boshqa viloyatlardagi filiallarida tekshiruv o‘tkazilgan. Hozirda Toshkent shahar IIBB huzuridagi Tergov boshqarmasi tomonidan tergov harakatlari olib borilmoqda.
Izoh (0)