Shavkat Mirziyoyev ishtirokida Qarshi shahrida xalq deputatlari viloyat kengashining navbatdan tashqari sessiyasi bo‘lib o‘tmoqda, deb xabar berdi “Daryo” muxbiri.
Prezident 2021-yil noyabr oyidan buyon Qashqadaryo viloyati hokimi vazifasini bajarib kelayotgan Murodjon Azimov nomzodini viloyat hokimi lavozimiga tavsiya etdi.
Prezident Murodjon Azimov haqida fikr bildirarkan, jumladan, shunday dedi: “Bu nomzodni men kecha bilmaganman, uni 15 yildan beri bilaman. Bojxona — iqtisodiy darvozamiz. Menga qattiqqo‘l rahbar kerak edi. U Bojxona qo‘mitasida korrupsiya tizimini yo‘qotdi. Bilasizmi, bitta maktabda yaxshi direktor bo‘lsa, vaziyat qanday o‘zgaradi. Xuddi shunday, viloyat yoki tumanda ham yaxshi rahbar bo‘lsa, insonlar sezadi o‘zgarishlarni.
Bir narsani aytaman, u sinovdan o‘tgan. Albatta, bojxonani boshqarish boshqa, viloyat hokimi bo‘lish boshqa. U 6 oy davomida sinovdan o‘tdi. Hokimni prezident tavsiya qiladi, hokimni hokim qiladigan esa xalqi, deputatlari”.
Izoh (0)