Oliy Majlis Senati raisining birinchi o‘rinbosari Sodiq Safoyev boshchiligidagi delegatsiya O‘zbekiston va Qozog‘iston parlamenti Senati bilan hamkorlik bo‘yicha komissiyasining ikkinchi majlisida ishtirok etish maqsadida Qozog‘istonga yetib bordi, deb xabar beradi O‘zA.
Ma’lum qilinishicha, tashrifning birinchi kuni delegatsiya vakillari Orolni ko‘zdan kechirib, Ko‘korol to‘g‘oni holati va Aral SeeFood baliqni qayta ishlash zavodi faoliyati bilan tanishgan.
22-aprel kuni hamkorlik bo‘yicha komissiyaning ikkinchi majlisi o‘z ishini boshlagan.
Eslatib o‘tamiz, komissiyaning birinchi majlisi 2021-yilning 3-iyun kuni Toshkent shahrida bo‘lib o‘tgan edi.
Avvalroq Orol dengizi tubidan ko‘tariladigan qum va chang bo‘ronlari har yili qancha iqtisodiy zarar keltirishi, Orol dengizining qurigan tubida o‘rmonzorlar barpo etilishi to‘g‘risida xabar berilgandi.
Izoh (0)