Filippindagi Megi tropik bo‘ronidan 2,08 milliondan ortiq odam jabr ko‘rdi. Tabiiy ofatlarning oldini olish va boshqarish milliy kengashining 21-aprel kuni e’lon qilgan hisobotida aytilishicha, bo‘ron oqibatida 224 kishi halok bo‘lgan.
Kengash ma’lumotlariga ko‘ra, siklon to‘qqizta hududni qamrab olgan. 175 mingdan ortiq ko‘chirilganlar 447 ta evakuatsiya markazida bo‘lib turibdi, 33,4 ming kishi oldindan evakuatsiya qilingan edi. Tabiiy ofat vaqtida 147 kishi bedarak yo‘qolgan.
Filippinda Megi bo‘roni 10,5 ming uyni qisman, 760 tasini butunlay vayron qilgan, zararning dastlabki miqdori 709,5 ming peso (13,5 ming dollar)ni tashkil etgan. 459 ta suv toshqini qayd etilgan. Qishloq xo‘jaligiga yetkazilgan zarar 257 million peso (4,9 million dollar), 45 ta infratuzilma obyektiga yetkazilgan zarar 6,95 million peso (133,2 ming dollar)ga baholanmoqda. Tabiiy ofat oqibatida 309 ta yo‘l va 15 ta ko‘prik vayron bo‘lgan. 76 ta shaharda elektr ta’minotidagi uzilishlar qayd etilgan, shu bilan birga 12 ta shaharda elektr allaqachon tiklangan, uchta munitsipalitetda esa suv ta’minoti bilan bog‘liq muammolar saqlanib qolmoqda.
Hozirgacha sakkizta hududda 196 ta ta’lim muassasasida darslar, 139 ta korxonada ish to‘xtatilgan. 41 ta portning ishi to‘xtatilgandi, ulardan yettitasi o‘z faoliyatini tikladi. 18 ta shahar va munitsipalitetlarda favqulodda holat joriy qilingan. Hukumat yordam uchun 64 million peso (1,22 million dollar) ajratgan.
10-aprel kuni Megi tropik bo‘roni Filippin sharqidagi Samar, Biliran va Leyte orollariga urildi. Filippin Atmosfera, geofizika va astronomik xizmatlar boshqarmasi ma’lumotlariga ko‘ra, bo‘ron ichidagi shamollarning maksimal tezligi 20,8 metr/sekunddan 29,1 metr/sekundgacha yetgan.
Izoh (0)