Ijtimoiy tarmoqlarda Samarqand viloyati Ishtixon tumani “Bog‘ixon” qishlog‘ida sel kelgani aytilgan video tarqaldi. Viloyat FVB holatga yuzasidan ma’lumot berdi.
Ma’lum qilinishicha, 19-aprel kuni kunning ikkinchi yarmida Ishtixon tumani “Bog‘ixon” mahallasida kuchli yog‘ingarchilik sababli sel toshqinlari yuzaga kelgan va ichki ariqlarning yetarli darajada mavjud emasligi hamda mavjudlari ham tozalanmagani sababli sel toshqini Bog‘ixon qishlog‘ining ichki yo‘llaridan o‘tib ketgan.
Ushbu vaziyat to‘g‘risida FVB hech qanday xabar kelib tushmagan.
Tuman FVB mas’ul xodimlari vaziyat to‘g‘risida ijtimoiy tarmoqlarda tarqalgan videolavha orqali xabar topib, zudlik bilan voqea joyiga yetib borgan. O‘rganish ishlari olib borilganida sel toshqini fuqarolarga hech qanday zarar keltirmasdan, oqib o‘tib ketgani aniqlangan.
Viloyat FVB fuqarolardan bahorda yog‘ingarchilik ko‘p bo‘lishi sabab yashash xonadonlari va ko‘chalaridagi suv ariqlarni tozalashga chaqirgan.
Avvalroq “O‘zgidromet” O‘zbekistonning tog‘oldi va tog‘li hududlarida 18–21-aprel kunlari kuchli yomg‘ir yog‘ishi va oqibatda ayrim hududlarda sel kuzatilishi haqida ogohlantirgandi.
Izoh (0)