Turk kinosining eng go‘zal ijodkorlar Burak O‘zchivit va Fahriye Evjen o‘g‘lining tug‘ilgan kunini nishonladi. Kichkintoy Karan uch yoshga to‘ldi. Yulduzli juftlik o‘zlarining shahar chetidagi uyida poyga tarzida bayram uyushtirdi.
Burak O‘zchivit va Fahriye Evjen farzandining tug‘ilgan kuni munosabati bilan uyushtirgan bayramning rang-barang suratlari bilan bo‘lishdi.
“Tug‘ilgan kuning bilan, mening sevgim”, — deya izoh qoldirgan Fahriye suratga.
Tug‘ilgan kunning kichkina egasini katta syurpriz qarshi oldi. Mashhur juftlik tug‘ilgan kunni poyga tarzida uyushtirdi. Mehribon ota-ona Karanga yoqishi uchun hamma narsaning mayda detallarigacha o‘ylab ko‘rdi — u uchun atalgan g‘oliblik kubogi, poyga mashinasi, poygachi va kubokli tort hamda shohsupa ham ajoyib tarzda tashkillashtirilgan.
Kichik mehmonlar uchun o‘yin maydoni tashkil qilindi, batut shishirildi, ularni shirinliklar va qiziqarli o‘yinlar kutardi. Shuni ta’kidlash kerakki, Karanning tug‘ilgan kuni kattalar uchun ham qiziqarli tarzda o‘tdi. Fahriye Instagram sahifasida eri va o‘g‘li bilan qanday qilib tepadan pastga tushganini ko‘rsatdi.
Yulduzli juftlikning muxlislari jajji Karanga eng yaxshi niyatlar, shuningdek, ularning ahil oilasiga baxt tilashdi. “Oyisining va dadasining dilbandi, tug‘ilgan kuning bilan. Biz ham seni yaxshi ko‘ramiz!”, “Men bu oilani juda ham yaxshi ko‘raman”, “Tug‘ilgan kuning bilan, bolam Karan, baxtli bo‘l”, “Fahriye juda ham go‘zal”, “Bizning seviklilarimiz”, — deya foydalanuvchilar tabrik bildirgan.
Izoh (0)