Amerikaning General Motors avtokonserni (GM) Rossiyani tark etadi. Bu haqda “Kommersant” xabar berdi.
Dilerlar AQSH sanksiyalari bilan ta’qiqlangan avtomobillarni yetkazib berishni to‘xtatish to‘g‘risida ogohlantirish olib bo‘lgan.
GM Rossiyadagi ofis xodimlarini ham ishdan bo‘shatadi. Kompaniya Ukrainadagi harbiy harakatlar boshlanganidan keyin Rossiyani tark etgan birinchi xorijiy avtomobil ishlab chiqarish kompaniyasiga aylanadi.
Ta’kidlanishicha, GM’ga Rossiya ofisining xodimlarini ishdan bo‘shatish va dilerlarga avtomobillar va ehtiyot qismlar yetkazib berish to‘xtatilgani haqida xabar yuborilgan.
11-mart kuni AQSHdan kelayotgan avtomobillarni Rossiyaga eksport qilish ta’qiqlangan edi. 2015-yilda Qrimning anneksiya qilinishi munosabati bilan GM Rossiyada faoliyat doirasini qisqartirgan — konsern faqat qimmat Chevrolet va Cadillac modellarini yetkazib berishni boshlagan edi.
Dastlabki uch oy davomida Rossiyada 266 Chevrolet va 162 Cadillac avtomobillari sotilgan.
Brendlar Rossiya premium avtomobillar segmentidagi Yevropa yetakchilari bilan bo‘lgan raqobatda yutqazgan.
So‘nggi haftalarda GM Amerika regulyatoridan ko‘rsatmalarni kutayotgan edi.
O‘zbekiston sanksiyalar tufayli Rossiyaga avtomobillar sotishni to‘xtatgan edi
Avvalroq O‘zbekiston Rossiyaga avtomobil eksportini to‘xtatgani haqida xabar berilgan edi.
UzAuto Motors avtomobillarida Janubiy Koreyada ishlab chiqarilgan yarimo‘tkazgichlar va mikrochiplardan foydalaniladi. Janubiy Koreya esa Rossiyaga qarshi sanksiyalarga qo‘shilgan.
Agar UzAuto Motors Rossiyaga avtomobil eksport qilishni davom etganda, Janubiy Koreya O‘zbekistonga mikrochiplar va boshqa muhim butlovchi qismlar yetkazib berishni to‘xtatardi. Bu esa O‘zbekistonda avtomobillar ishlab chiqarishni to‘liq to‘xtatib qo‘yishi mumkin.
GM’ning Detroytdagi vakili UzAuto Motors Rossiyaga Chevrolet avtomobillarini eksport qilishni 9-mart kuniyoq to‘xtatganini aytdi. Kompaniya vakili eksport to‘xtatilganini na tasdiqladi, na inkor etdi.
“Daryo”ning ma’lumotiga ko‘ra, kompaniya rossiyalik hamkorlar oldidagi shartnoma majburiyatlarini sanksiyalar joriy etilishidan avval bajarib bo‘lgan.
Izoh (0)