Londonda ikki nafar qurollangan shaxs professional bokschi Amir Xon (34-6, 21 KO) va uning rafiqasi Faryal Mahdumni to‘nab ketdi.
“Hozirgina Sharqiy Londonning Leyton shahrida qurol o‘qtalib qo‘limdagi soatimni yechib olishdi. Rafiqam bilan yo‘lni kesib o‘tayotgandim, yaxshiyamki u mendan bir necha qadam ortda yurgandi.
Ikki kishi yugurib kelib, peshonamga qurol o‘qtalib, soatimni olib ketdi. Muhimi, hozir rafiqam ikkalamiz ham xavfsiz joydamiz”, — deb yozadi Xon.
Bokschi so‘nggi jangini 19-fevral kuni britaniyalik Kell Brokka qarshi o‘tkazib, mag‘lub bo‘lgandi.
Avvalroq “Manchester Yunayted” futbolchisi Pol Pogba maydondalik vaqtida uning uyiga o‘g‘ri tushgani haqida ma’lumot berilgandi. Karim Benzemaning uyiga ham o‘g‘ri tushgani xabar qilingandi. “Liverpul” futbolchisi Fabinyo ham o‘g‘rilik qurboni bo‘lgandi. Talonchilar “Manchester Siti” vingeri Riyod Mahrezni yarim million yevroga chuv tushirgani haqida xabar berilgandi. Dele Alli esa o‘z uyida bosqinchi o‘g‘rilar tomonidan kaltaklangandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)