Toshkentdagi maktabda psixolog o‘quvchi qizlarga uyatsiz-buzuq harakatlar qilgani aniqlanib, jinoyat ishi qo‘zg‘atildi

Ijtimoiy tarmoqlarda Toshkentdagi maktablarning birida o‘quvchi qizlarga nisbatan uyatsiz-buzuq harakatlar sodir etilgani haqidagi xabarlar tarqalmoqda. Poytaxt IIBB holat yuzasidan rasmiy ma’lumot berdi.

Qayd etilishicha, 7-aprel kuni Mirobod tumanidagi 158-sonli maktabda 1963-yilda tug‘ilgan, shu maktabda psixolog lavozimida ishlovchi erkak A.G. voyaga yetmagan qizlarga nisbatan uyatsiz buzuq harakatlar sodir etgani aniqlangan.

Mazkur holat yuzasidan Jinoyat kodeksining 129-moddasi (o‘n olti yoshga to‘lmagan shaxsga nisbatan uyatsiz-buzuq harakatlar qilish) bilan jinoyat ishi qo‘zg‘atilgan. Gumonlanuvchi A.G. shahar klinik psixiatriya shifoxonasiga joylashtirilgan.

Ayni paytda tergov harakatlari davom etmoqda.