“Roma” Italiya chempionatining 33-turida “Napoli”ga qarshi bahs olib bordi va Stefan ash-Shaaravining 91-daqiqada urgan goli evaziga mag‘lubiyatdan qutulib qoldi.
Shu tariqa Joze Mourinyo shogirdlarining A Seriyadagi mag‘lubiyatsiz seriyasi 12 ta o‘yinga yetdi.
Rimliklar chempionatda so‘nggi bor 9-yanvar kuni “Yuventus”ga (3:4) imkoniyatni boy bergandi. Shundan buyon 7 ta g‘alaba va 5 ta durang natija qayd etildi.
“Roma” Italiya chempionatida 58 ochko bilan 5-o‘rinda bormoqda va 4-o‘rindagi “Yuventus”dan 5 ochko ortda qolmoqda. Rimliklar 23-aprel kuni mehmonda “Inter” bilan o‘ynaydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)