2022-yil 31-mart kuni Londonda Moody’s Investors Service xalqaro reyting agentligi tomonidan “Alfa Invest sug‘urta kompaniyasi” AJ ga “barqaror” prognozi bilan sug‘urtalovchining milliy va xorijiy valyutada (insurance financial strength rating IFSR) “B2” darajasidagi moliyaviy barqarorlik reytingi berildi.
Moody’s Investors Service hisobotiga muvofiq, “B2” reytingi kompaniyaning O‘zbekistonda tobora o‘sib borayotgan sug‘urta bozoridagi barqaror pozitsiyasini, sug‘urta mahsulotlarining diversifikatsiyalangan assortimentini, qabul qilingan xatarlarga nisbatan kuchli kapitallashuvini, shuningdek, sug‘urta faoliyatining barqaror tarixiy natijalarini aks ettiradi.
Bugungi kunda Alfa Invest dinamikasi bo‘yicha bozor ulushi 5 dan 7 foizgacha bo‘lgan O‘zbekistondagi yirik sug‘urtalovchilar o‘ntaligi safiga kiradi, shuningdek, 2003-yildan buyon sug‘urta xizmatlarini taqdim etuvchi O‘zbekistondagi yirik xususiy sug‘urta kompaniyalaridan biri hisoblanadi. O‘zbekiston sug‘urta bozoridagi barqaror pozitsiyani keng agentlik tarmog‘i, O‘zbekistonning barcha hududlarida filiallari va jadal o‘sib borayotgan umumiy sug‘urta portfelining mavjudligi tasdiqlaydi.
Kompaniyaning moliyaviy natijalari Grant Thornton auditorlik tashkilotining ijobiy xulosasi bilan tasdiqlangan. Kompaniyaning sug‘urta mukofotlarini yig‘ish bo‘yicha o‘sish sur’ati 160,7 foizga, to‘lovlar 132,3 foizga, bu esa 2021-yil yakuniga ko‘ra Alfa Invest barqaror dinamikasi va rivojlanishini aks ettiradi.
Shuni alohida ta’kidlab o‘tish joizki, kompaniya xizmat ko‘rsatish va onlayn sug‘urtani rivojlantirishga alohida e’tibor qaratmoqda, shu yo‘sinda 2021-yilda kompaniya saytida E-Osago’ni rasmiylashtirish imkoniyati ishga tushirildi, bu esa mijozlar va kompaniya o‘rtasidagi o‘zaro munosabatlarni ancha soddalashtirdi.
O‘z navbatida, Alfa Invest erishilgan va e’tirof etilgan moliyaviy natijalar bilan cheklanib qolmayapti hamda mijozlarga yuqori darajali xizmat ko‘rsatish, onlayn sug‘urta sohasidagi innovatsiyalarni joriy etish, professionallik va jamoaviy ish, chakana savdoni rivojlantirishga e’tibor qaratgan sug‘urta kompaniyasi bo‘lishga intiladi. Chakana biznesga, mavjud mijozlar bilan uzluksiz hamkorlik va xalqaro sug‘urtalash, qayta sug‘urtalash bozorlari bilan hamkorlikni kengaytirishga alohida urg‘u bermoqda.
Kompaniya yangiliklarini alfainvest.uz sayti yoki ijtimoiy tarmoqlarda kuzatib borish mumkin.
24/7 call-markazi: 1182
Telegram: t.me/AlfaInvestuz
Instagram: alfainvest.uz
Facebook: fb.com/alfainvestuzbekistan
Reklama huquqi asosida.
Izoh (0)