Kotiba, farrosh, jinnixonada yuk tashuvchi: Gollivud yulduzlari mashhur bo‘lgunga qadar qayerda ishlagan?

Taniqli odamlar ko‘pchilik nazarida yulduz bo‘lib tug‘ilganga o‘xshaydi. Yaltiroq va jozibali hayotdan oldin ularning ba’zilari restoranlarda buterbrod yoki muzqaymoq sotuvchisi, ayrimlari kotiba, ba’zilari esa ruhiy kasalliklar shifoxonasida yuk tashuvchi bo‘lib ishlaganini hech kim tasavvuriga sig‘dirolmaydi.

Keyt Uinslet — oziq-ovqat do‘konida sotuvchi

Kino olamiga kirib kelishidan oldin Keyt Uinslet gastronomda peshtaxta ortida ishlagan. Bir kuni u mijoziga kurkali buterbrod tayyorlayotganida birdan unga qo‘ng‘iroq bo‘lib, “Samoviy mavjudot” filmiga taklif qilinadi. “Titanik”ning bo‘lajak yulduzi bu qo‘ng‘iroqdan shu qadar hayajonga tushadiki, hatto buyurtmani ham unutib, ishidan chiqib ketadi.

Xyu Jekman — jismoniy tarbiya o‘qituvchisi

Xyu Jekman Rosomaxa rolini o‘ynashdan oldin, taxminan, bir yil davomida Angliyadagi Appingem maktabida jismoniy tarbiya o‘qituvchisi bo‘lib ishlagan.

Jennifer Eniston – telemarketolog

Jennifer Eniston hayotini o‘zgartirib yuborgan “Do‘stlar” filmidagi Reychel rolidan oldin telemarketolog bo‘lib ishlagan. Enistonning so‘zlariga ko‘ra, u shu qadar yomon ishlaganki, umuman savdo qila olmagan.

Vupi Goldberg — dafn qilish byurosida grimyor

Vupi Goldberg aktrisa bo‘lishdan oldin turli sohalarda ishlagan. Shu jumladan, dafn qilish byurosida grimyor sifatida ham, chunki u go‘zallik maktabida o‘qigan va litsenziyaga ega kosmetolog bo‘lgan.

Dastin Xoffman — teatr garderobi xizmatchisi

1950 va 1960-yillarda Dastin Xofman va uning ikki do‘sti Jin Xekman va Robert Duval birga yashab, tirikchilik uchun har qanday ishni qilgan. Misol uchun, Yellow Pages telefon ma’lumotnomasi uchun harf teruvchi, Gavayi gulchambarlari yasovchi, teatrda garderob xizmatchisi. Shunga qaramay, aktyor o‘z faoliyatidan uyalmasligini bir necha bor ta’kidlaydi.

Gven Stefani — muzqaymoq sotuvchi

Gven Stefani mashhurlikka erishgunga qadar ko‘p yillar davomida ovqatlanish tarmoqlarida sharikli muzqaymoq sotgan. Bundan tashqari, u o‘zini univermagda vizajist sifatida ham sinab ko‘rgan.

Mik Jagger — jinnixonada yuk tashuvchi

Mik Jagger dunyoga mashhur The Rolling Stones guruhi a’zosi bo‘lgunga qadar Beksli ruhiy kasallar shifoxonasida yuk tashuvchi bo‘lib ishlagan.

Stiven King — yonilg‘i quyish shoxobchasida ishchi

XX asr oxirida ilmiy-fantastik janrni qayta tiklashga hissa qo‘shgan muallif 1966-yilda AQSHning Meyn shtatidagi eng yirik universitetga o‘qishga kiradi. O‘qish pulini to‘lash uchun Stiven farrosh, yonilg‘i quyuvchi, kir yuvish xodimi bo‘lib ishlagan.

Mayli Sayrus – farrosh

Uni mashhur qilgan Disneyning “Xanna Montana” serialida suratga tushishdan oldin Mayli Sayrus kompaniyada farrosh bo‘lib ishlagan. U bu ishni 11 yoshidan beri qilib kelgan. Uning vazifalariga xonalarni tozalash va hojatxonalarni yuvish kirgan.

Jennifer Lopez – kotiba

Jennifer Lopez — zamonamizning eng mashhur aktrisalaridan biri. U raqqosa, aktrisa va qo‘shiqchi sifatida o‘zining iste’dodini dunyoga namoyish etdi. Ammo bir paytlar Jey Lo advokatlik idorasida kotiba bo‘lib ishlagan. Uning vazifalariga politsiya va o‘t o‘chiruvchilar uchun soliq deklaratsiyasini to‘ldirish bo‘lgan.