Futbol bo‘yicha Ispaniya chempionatining 32-turida “Real” “Sevilya” ustidan 3:2 hisobida g‘alaba qozondi.
Ushbu uchrashuvda madridliklar hujumchisi Karim Benzema g‘alaba goli muallifiga aylandi. Shu tariqa fransuz “Real” safidagi gollari sonini 217 taga yetkazdi va jamoa tarixidagi eng yaxshi to‘purarlar ro‘yxatida 3-o‘ringa ko‘tarilib oldi. Benzema Alfredo di Stefanoni (216 ta gol) ortda qoldirdi.
“Qaymoqranglilar”ning eng yaxshi to‘purari Krishtianu Ronaldu hisoblanadi. Uning hisobida 311 ta gol mavjud. Raul esa 228 ta gol bilan 2-o‘rinni egallab turibdi.
34 yoshli Benzema joriy mavsumda barcha musobaqalar doirasida 39 ta o‘yinda ishtirok etib, 39 ta gol muallifiga aylandi.
Shuningdek, Karim Benzema La Ligadagi gollari sonini 25 taga yetkazdi va shaxsiy rekordini o‘rnatdi. Hujumchi so‘nggi bor 2015/16-yilgi mavsumda 27 o‘yinda 24 ta gol urgandi. Shu vaqtga qadar ushbu natija uning La Ligadagi eng yaxshi natijasi bo‘lib turgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)