AQSHning ittifoqchilari, jumladan, Afrika, Lotin Amerikasi va Osiyo davlatlari Vashingtonning Rossiyaga qarshi sanksiyalar qo‘llash yoki Ukrainadagi harbiy amaliyoti uchun “hech bo‘lmaganda uni tanqid qilish” haqidagi so‘rovlarini rad etdi, deb yozmoqda Britaniyaning The Economist jurnali.
Foto: Shutterstock
Qo‘shma Shtatlar uchun eng noqulay pozitsiyani Hindiston egallab turibdi: bu mamlakat rasmiylari Rossiyani Ukrainadagi xatti-harakatlari uchun qoralashdan “doimiy ravishda qochmoqda”, deyiladi maqolada.
Ko‘pgina davlatlar tijoriy manfaatlari, mafkuraviy e’tiqodi va strategik ambitsiyalari tufayli Moskvani tanqid qilishdan o‘zini tiyadi, deydi material mualliflari. Jurnalistlar misol tariqasida gazga bo‘lgan ehtiyojining 45 foizi Rossiya tomonidan qoplanadigan Turkiyani keltirmoqda.
Rossiya qo‘shinlari 24-fevral kuni Ukraina hududiga bostirib kirganidan so‘ng G‘arb davlatlari Rossiyaga qarshi keng ko‘lamli sanksiyalar kiritdi. Xususan, AQSh, Yevropa Ittifoqi mamlakatlari, Buyuk Britaniya, Kanada, Avstraliya va Yaponiya tomonidan ham tegishli cheklovlar joriy etildi. Lotin Amerikasi va Afrika davlatlari esa sanksiyalarga qo‘shilmadi.
Mavzuga doir:
- AQSH davlat kotibi boshqa davlatlarni Rossiyadan neft va qurol sotib olmaslikka chaqirdi
- Yevropa Ittifoqi Rossiyaga qarshi yangi sanksiyalar paketi ustida ishlayotgani ma’lum qilindi
- Kolumbiya Rossiya o‘rniga Yevropa Ittifoqiga energiya resurslarini yetkazib berishga tayyorligini ma’lum qildi
- Yevroittifoq Putinning qizlari va “Komsomolskaya Pravda” bosh muharririga nisbatan sanksiyalar kiritdi
Izoh (0)