Karyerasi davomida Selena Gomes bir necha marta o‘z muxlislari bilan his-tuyg‘ulari va tashqi ko‘rinishiga bo‘lgan munosabati haqida o‘rtoqlashgan. 2019-yilda qo‘shiqchi “Giving Back Generation” podkastida vaznining u yoki bu tomonga siljishi uning volchanka kasalligi bilan bog‘liqligini aytib o‘tgan, deb yozadi Elle Girl.
Ammo xeyterlar bunga parvo qilmadi. Selena esa ularga munosib javob qaytardi. Ijtimoiy platformalardan birida muxlislar bilan muloqotda bo‘lgan qo‘shiqchi vaqti-vaqti bilan uning sahifasida salbiy sharhlar qoldiradigan trollarga to‘g‘ridan to‘g‘ri murojaat qildi:
“Ha, men qomatimni saqlab qolishga harakat qilaman, lekin ba’zida qahvaxonaga kirib, to‘rtta tako, piyozli halqachalar, uchta tuxumli rulet va achchiq tovuqli sendvich olaman, — dedi u. — To‘g‘risini aytsam, men vaznimga ahamiyat bermayman, chunki odamlar baribir kovlashtiradi. Sen juda kichiksan yoki juda gavdalisan. Xullas, hech qachon rozi bo‘lishmaydi”.
Shuningdek, Selena nima bo‘lganda ham o‘zini baribir mukammal deb bilishini qo‘shimcha qilib o‘tgan. Bu xonandaning vazni haqidagi birinchi tanqid emas. 2015-yilda Selenaning suzish kiyimidagi suratiga ham bir qancha salbiy fikrlar bildirilgan.
Izoh (0)