Namanganda qo‘li elektr go‘sht maydalagichga kirib ketgan ikki yoshli qizga yordam ko‘rsatildi, deb xabar beradi Namangan viloyati FVB matbuot xizmati.
Ma’lum qilinishicha, 14-aprel kuni soat 18:55 da Namangan viloyat Favqulodda vaziyatlar boshqarmasiga ikki yoshli qizchani ehtiyotsizlik oqibatida elektr go‘sht maydalagichga qo‘li kirib ketgani bo‘yicha tashvishli xabar kelib tushgan.
Shunga ko‘ra zudlik bilan FVB qutqaruv otryadi qutqaruvchilari aytilgan manzilga yetib borgan va Respublika shoshilinch tez tibbiy yordam ilmiy markazi Namangan filiali shifokorlari bilan birgalikda maxsus-asbob anjomlar yordamida qizchaning qo‘lini go‘sht maydalagichdan chiqarib olgan.
“Qizchaning qo‘li asrab qolindi. Hozirda uning ahvoli yaxshi. O‘z navbatida, barcha ota-onalardan farzandlarini nazoratsiz va yolg‘iz qoldirmaslikni so‘rab qolamiz”, — deyiladi xabarda.
Izoh (0)