O‘zbekistonda Lada avtomobillarini ishlab chiqarishning to‘liq siklini yo‘lga qo‘yish loyihasi ustida ishlanmoqda. Bu haqda “TASS” xabar bermoqda.
Yangi ishlab chiqarish liniyasi Jizzax erkin iqtisodiy zonasi hududidagi ADM Jizzax avtomobil zavodida tashkil etilishi kutilmoqda. Uni ishga tushirish 2024-yilga mo‘ljallangan.
2021-yilning kuzida O‘zbekistonda Lada avtomobillarini yirik uzelli usulda ishlab chiqarish yo‘lga qo‘yilgan.
Zavod multibrendli bo‘lib, bu yerda KIA, Renault va Lada rusumidagi 10 xil yengil avtomobil yig‘iladi.
Ushbu loyihaning qiymati 12 mln dollardan ziyod. Yillik ishlab chiqarish quvvati 25 ming dona. Korxonada 250 nafar mutaxassis ishlamoqda.
Avvalroq O‘zbekistonda 1-martdan boshlab LADA avtomobillari narxi 3 foizdan 10 foizga oshgani haqida xabar berilgan edi.
Izoh (0)