Toshkent metrosining “Pushkin” bekatida 22 yoshli yigit o‘zini poyezd ostiga tashladi

Toshkent metropolitenining “Pushkin” bekatida 2000-yilda tavallud topgan fuqaro A.B (erkak) qasddan poyezd yo‘lagiga o‘zini tashladi, deya xabar qilmoqda metropoliten axborot xizmati.

Qayd etilishicha, 5 daqiqaga poyezdlar harakati to‘xtatilgan, mashinistning tezkor to‘xtashi natijasida yo‘lovchi omon qolgan.

Ichki ishlar hamda metropoliten xodimlari tomonidan fuqaro hech qanday jarohatsiz qutqarib olingan. O‘rganish ishlari yakunidan so‘ng batafsil ma’lumot berilishi qayd etildi.

Bundan avval Toshkent metrosida o‘zini poyezd tagiga tashlagan erkak voqea joyida vafot etgani va Navoiyda 33 yoshli erkak o‘zini poyezd tagiga tashlab, vafot etgani haqida xabar berilgandi.