Qashqadaryo viloyati Sog‘liqni saqlash boshqarmasiga yangi rahbar tayinlandi. Bu haqda SSV xabar qildi.
Qayd etilishicha, sog‘liqni saqlash vazirining tegishli buyrug‘i bilan akademik Y.To‘raqulov nomidagi Respublika ixtisoslashtirilgan endokrinologiya ilmiy-amaliy tibbiyot markazi Qashqadaryo filiali direktori vazifasida ishlab kelgan Bobur Teshayev Qashqadaryo viloyati sog‘liqni saqlash boshqarmasi boshlig‘i etib tayinlangan.
36 yoshli Bobur Teshayev Respublika ixtisoslashtirilgan endokrinologiya ilmiy-amaliy tibbiyot markazining umumiy va neyroendokrinologiya bo‘limlarida ishlab, tajriba orttirgan. Keyinchalik Surxondaryo viloyati Endokrinologiya dispanseri bosh vrachi lavozimida faoliyat yuritgan.
Teshayev Respublika ixtisoslashtirilgan endokrinologiya ilmiy-amaliy tibbiyot markazi Qashqadaryo filiali direktori vazifasida 2018-yildan buyon ishlab kelayotgan edi.
Eslatib o‘tamiz, Qashqadaryo viloyati SSBning avvalgi boshlig‘i Ravshan Tulakov bo‘lgan. U bu lavozimda 2020-yil noyabr oyidan buyon ishlab kelayotgan edi. Tulakovning ishdan olinish sababi haqida aniq ma’lumot berilmagan.
Izoh (0)