Qarshi shahrining amaldagi hokimi Normo‘min Xolboyev va sobiq hokim Jamshid Fozilov davrida bozor bahosi 156 mlrd so‘m bo‘lgan yer noqonuniy berib yuborilgani ma’lum bo‘ldi. Bu haqda “Daryo”ga viloyat prokuraturasi axborot xizmati xabar berdi.
Ma’lum qilinishicha, shahar hokimlari amaldagi qonunlarga zid ravishda 318 ta holatda bozor bahosi 156 milliard 422 million so‘m bo‘lgan 105 gektar yerga egalik qilish bo‘yicha qaror chiqarib bergan. Mazkur holat viloyat prokuraturasi tomonidan aniqlangach, bo‘sh turgan 90,1 mlrd so‘mlik 58 gektar yer hokimlik zaxirasiga qaytarilgan. 1,2 gektar esa auksion savdoga chiqqan.
“Qurilishi ishlari amalga oshirilgan 56,4 milliard so‘mlik 27 gektar yerni qaytarish bo‘yicha sudlarga 133 ta da’vo ariza kiritilgan. Qarshi shahar hokimligi, kadastrlar palatasi va qurilish bo‘limining 7 nafar mansabdoriga nisbatan jinoyat ishi qo‘zg‘atilib, ayblov e’lon qilingan va ish sudga oshirilgan”, — deyiladi prokuratura axborotida.
Mavzuga doir:
- Samarqandda 10 gektar yerni 7,5 ming dollar evaziga tanishlari orqali rasmiylashtirib berishni va’da qilgan shaxs ushlandi
- Sergelida ijaraga berilgan 2,5 gektar yerni 1,9 mln dollarga rasmiylashtirib berishni va’da qilgan shaxs ushlandi
- Samarqandda ko‘p qavatli uy qurish uchun ajratilgan 1 gektar yerni 500 ming dollarga sotishga uringan shaxslar qo‘lga olindi
Izoh (0)