Shavkat Mirziyoyev 14-aprel kuni o‘tkazilgan yig‘ilishda IT sohasida yechimini kutib turgan bir nechta muammoni sanab o‘tdi. Bu haqda prezident matbuot kotibi xabar qildi.
Qayd etilishicha, “Raqamli O‘zbekiston–2030” dasturi doirasida vazirlik va tarmoqlarning 11 ta loyihasi kechikmoqda. Jumladan, Transport va Moliya vazirliklarida 3 tadan, Investitsiya, Sog‘liqni saqlash vazirliklari, Kadastr agentligi, Milliy bank, “O‘zagrosug‘urta”da 1 tadan.
Bugungi kunda ayrim vazirlik va idoralar eski, ishonchsiz va o‘zaro integratsiya qilinmagan axborot tizimlaridan foydalanib kelmoqda.
Bundan tashqari, hududlarda IT sohasini rivojlantirish bo‘yicha ishlar bir maromda emas. IT xizmatlarining 90 foizi Toshkent shahriga to‘g‘ri keladi. Eng og‘ir holat Qoraqalpog‘iston, Andijon va Surxondaryoda.
Shuningdek, 46 ta hududiy loyiha ijrosi kechikmoqda.
Izoh (0)