Ijtimoiy tarmoqlarda Olmaliq shahrida “Jiguli” haydovchisi itini mashina tepa qismidagi yukxonaga bog‘lab, qayergadir olib ketayotgani tasvirlangan suratlar tarqaldi. Toshkent viloyati IIBB mazkur holat yuzasidan o‘rganish ishlari olib borilganini ma’lum qildi.
Holat Olmaliq shahar IIB xodimlari tomonidan o‘rganilganda, ushbu avtomobil egasi (haydovchi) Piskent tumanida yashovchi 43 yoshli B.Z. ekani ma’lum bo‘lgan.
U bilan o‘tkazilgan suhbat davomida, boshqa uyga ko‘chayotgani munosabati bilan buyumlari ko‘p bo‘lgani va yolg‘iz qoldirmaslik uchun itni shu ko‘rinishda olib ketganini aytgan.
Yuqoridagi holat yuzasidan fuqaro B.Z. ga nisbatan Ma’muriy javobgarlik to‘g‘risidagi kodeksning 111-moddasi (hayvonlarga nisbatan shavqatsiz munosabatda bo‘lish) bilan ma’muriy bayonnoma rasmiylashtirib, qonuniy chora ko‘rish uchun sudga yuborildi.
Avvalroq Ohangaronda IIB xodimlari hayvonlarni otib o‘ldirayotgani haqida xabarlar tarqalgandi.
Izoh (0)