Qozog‘istonda bu yil ham Vatan himoyachilari kuni va G‘alaba kuni sharafiga an’anaviy harbiy paradni o‘tkazish rejalashtirilmayapti. Bu haqda mamlakat Mudofaa vazirligi matbuot xizmatiga tayanib, “Interfaks” xabar berdi.
Shu bilan birga, mamlakat Mudofaa vazirligi boshqa qator harbiy-vatanparvarlik tadbirlarini o‘tkazish rejalashtirilganini ta’kidlagan.
“Alohida blok Ikkinchi jahon urushi va Qozog‘iston Qurolli kuchlari faxriylarini sharaflash tadbirlaridan iborat bo‘ladi. Mudofaa vazirligi tomonidan mamlakatning barcha viloyatlarida 50 ga yaqin turli tadbirlarni o‘tkazish rejalashtirilgan”, — deyiladi xabarda.
Qozog‘istonda 7-may kuni davlat bayrami — Vatan himoyachilari kuni, 9-may esa — G‘alaba kuni sifatida nishonlab kelinadi. 2020 va 2021-yillarda koronavirus pandemiyasi sabab ushbu bayramlarga bag‘ishlangan harbiy paradlar bekor qilingandi.
Izoh (0)