Samarqand viloyatining Jomboy tumanida 22 ming dollarga yer sotishni maqsad qilib, 11 ming dollarini olgan ota-o‘g‘il qo‘lga tushdi. Bu haqda “Daryo”ga DXX Samarqand viloyat boshqarmasi ma’lum qildi.
DXXning Samarqand viloyati boshqarmasi hamda viloyat departamenti xodimlari hamkorligida o‘tkazilgan tadbirda Jomboy tumanida yashovchi 56 yoshli N.Q. va uning o‘g‘li 26 yoshli Z.P. o‘zboshimchalik bilan egallab olgan davlat tasarrufidagi 0,80 gektar yer maydonini firibgarlik yo‘li bilan sotishga uringan. Ota-bola xaridorga yerni Kadastr agentligi tuman bo‘limidagi tanishlari orqali rasmiylashtirib berishini aytib, so‘ralgan 22 ming dollarning 11 ming dollarini olganda jinoyat ustida qo‘lga olingan.
Hozirda ota-bolaga Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Izoh (0)