Raqsga tushayotgan ganalik tobutkashlar ishtirokidagi Coffin dancers (“Tobutkash raqqoslar”) memi NFT auksionida 327 ethereum kriptovalyuta birligi (taxminan 1 million dollar)ga sotildi, deb yozadi “Daily.afisha.ru”.
Tobutkash raqqoslarning o‘zi va Ukrainaning Bads reklama agentligi auksion tashkilotchilari hisoblanadi. Yig‘ilgan mablag‘ning to‘rtdan bir qismi Ukraina xayriya jamg‘armasiga o‘tkaziladi, xuddi shu miqdor agentlikka ham o‘tadi. Mablag‘ning yarmini video ishtirokchilari oladi.
Raqsga tushayotgan tobutkashlar videosi 2020-yilda koronavirus pandemiyasi boshlanganidan so‘ng tarqaldi. Know Your Meme nashriga ko‘ra, video birinchi marta 2015-yilda tarmoqqa joylashtirilgan va 2020-yilda u Coffin dance (“Tobut raqsi”) nomi bilan mashhur bo‘lgan.
Hozirda YouTube’da dafn marosimi aks etgan video 392 million marta ko‘rilgan. Musiqani esa rossiyalik musiqachi Tony Igy yozgan.
Mavzuga doir:
- Raqsga tushayotgan qora tanli tobutkashlar haqidagi mem juda mashhur bo‘lib ketdi. Endi ular bilbord, kompyuter o‘yinlari va hatto Lego’da ham bor (video)
- “Xayolim ayollar va bolalarda”. Gollivud yulduzi Penelopa Krus ukrainaliklarni ko‘zda yosh bilan qo‘llab-quvvatladi
- “Millionlab odamlar xavf ostida”. Gollivud aktrisasi Keyt Blanshett Ukrainadagi urush haqida videomurojaat yo‘lladi
- Gollivud yulduzlari Rayan Reynolds va Bleyk Layvli ukrainalik qochoqlar uchun million dollar xayriya qildi
Izoh (0)