“Benfika” hujumchisi Darvin Nunyes APL yoki Liga 1 klublaridan biriga o‘tishi mumkin.
“Manchester Yunayted”, “Chelsi” va “PSJ” 22 yoshli hujumchi uchun asosiy da’vogar bo‘lib turibdi, deb yozadi jurnalist David Osnsteyn.
Lissabon jamoasi Primeyraning ayni vaqtdagi eng yaxshi to‘purari uchun taxminan 70 million yevro olishni va yozgi transferlar oynasi boshida futbolchini sotib yuborishni xohlamoqda.
Hozircha futbolchiga qiziqish bildirayotgan jamoalar aniq qadam bosmagan bo‘lsa-da, dastlabki harakatlar amalga oshirilgan.
Nunyes joriy mavsum Portugaliya chempionatida 24 o‘yinda 24 ta gol urgan, Chempionlar Ligasida esa 9 ta o‘yinda ishtirok etib, 5 ta golga mualliflik qilgan.
Izoh (0)