Ukraina prezidenti Vladimir Zelenskiy oldinroq Kiyevni tark etgan xorij diplomatlariga murojaat qilib, ularni Ukraina poytaxtiga qaytishga va ishni qaytadan yo‘lga qo‘yishga chaqirdi. Zelenskiyning murojaati o‘zining Telegram’dagi kanaliga joylashtirilgan.
“Kecha Turkiya elchixonasi qaytdi. Bugun Litva elchisi qaytib keldi, undan oldinroq Sloveniya elchixonasi Kiyevda qayta ish boshlangadi. Biz uchun muhim bo‘lgan hozirgi davrda ham ramziy, ham diplomatik darajada qo‘llab-quvvatlayotgan Ukrainaning do‘stlaridan chin ko‘ngildan minnatdorman. Bu jasorat”, — deydi Zelenskiy.
Ukraina prezidentining so‘zlariga ko‘ra, u qaytib kelgan diplomatlar bilan uchrashuv o‘tkazish imkoniyatini intizorlik bilan kutmoqda.
“Elchixonalarning Kiyevda bo‘lishi, ularning normal ishlash — bosqinchi uchun Kiyev — bizning poytaxtimiz ekani haqida aniq signaldir. Rossiya viloyatidagi shahar emas, balki Ukrainaning poytaxti”, — deya ta’kidlaydi Zelenskiy.
Eslatib o‘tamiz, ayrim davlatlar, jumladan, AQSH va Buyuk Britaniya Kiyevdagi elchixonasini 24-fevraldan oldin Ukraina g‘arbiga ko‘chirgan edi. Rossiya prezidenti Vladimir Putin maxsus harbiy operatsiya Donbassda “mintaqa aholisini genotsiddan himoya qilish”ga qaratilganini ma’lum qildi. Rossiyaliklarga murojaatida u Kreml Ukrainani demilitarizatsiya va denazolifikatsiya qilishga intilishi, biroq Ukraina hududlarini bosib olish rejada yo‘qligini aytdi.
Turkiya Tashqi ishlar vazirligi 6-aprel kuni Kiyevdagi elchixonasi xodimlarini Ukrainaga qaytargan edi. Elchixona martning birinchi yarmida Chernovsiga evakuatsiya qilingan edi. Latviya elchixonasi Kiyevda qayta ish boshlaganini 7-mart kuni mamlakat tashqi ishlar vaziri Edgar Rinkevich ma’lum qilgandi.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)